యెమ్మిగనూరు, 3 November
ఎమ్మిగనూరు మున్సిపల్ ఎన్నికల్లో 14వ వార్డు నుంచి తెలుగుదేశం పార్టీ అభ్యర్థి అబ్దుల్ వహిద్ ఘన విజయం సాధించారు. తన సమీప ప్రత్యర్థిపై భారీ మెజారిటీతో ఆయన గెలుపొందారు. ఎన్నికల ప్రచారంలో భాగంగా విస్తృతంగా పర్యటించి, ప్రజల సమస్యలను తెలుసుకున్నారు.
ఎమ్మిగనూరు మున్సిపల్ ఎన్నికల్లో 14వ వార్డు నుంచి తెలుగుదేశం పార్టీ కౌన్సిలర్ అభ్యర్థి అబ్దుల్ వహిద్ ఘన విజయం సాధించారు. తన సమీప ప్రత్యర్థిపై 659 ఓట్ల భారీ మెజారిటీతో ఆయన గెలుపొందారు. ఎన్నికల ప్రచార సమయంలో వార్డులో విస్తృతంగా పర్యటించి, ఇంటింటికీ వెళ్లి ఓటర్లను కలుసుకున్నారు. ప్రజల సమస్యలను తెలుసుకుని, తనకు మద్దతు ఇవ్వాలని కోరారు. పోలింగ్ అనంతరం వెలువడిన ఫలితాల్లో వహిద్ 659 ఓట్ల మెజారిటీతో విజయం సాధించి తన ఆధిక్యతను చాటుకున్నారు. వహిద్ గెలుపుతో 14వ వార్డులో టీడీపీ నాయకులు, కార్యకర్తలు, అభిమానుల్లో ఆనందోత్సాహాలు నెలకొన్నాయి. పార్టీ శ్రేణులు ఆయనకు అభినందనలు తెలిపారు. తన విజయానికి సహకరించిన వార్డు ప్రజలకు, పార్టీ నాయకులకు, కార్యకర్తలకు వహిద్ కృతజ్ఞతలు తెలియజేశారు.
