ఉర్దూ పాఠశాల ఎస్ఎంసీ చైర్మన్, వైస్ చైర్మన్ ఏకగ్రీవం

ఎమ్మిగనూరు పట్టణంలోని 16వ వార్డులో జిల్లా పరిషత్ ఉర్దూ ప్రాథమిక పాఠశాలలో స్కూల్ మేనేజ్మెంట్ కమిటీ (ఎస్ఎంసీ) ఎన్నికల్లో భాగంగా చైర్మన్, వైస్ చైర్మన్ ఎన్నికలు నిర్వహించారు. ఈ ఎన్నికల్లో విద్యార్థుల తల్లిదండ్రులను కమిటీ సభ్యులుగా ఏకగ్రీవంగా ఎన్నుకున్నారు. అనంతరం, ఎస్ఎంసీ చైర్మన్గా మైమూన్, వైస్ చైర్మన్గా సలీమా ఏకగ్రీవంగా ఎన్నికయ్యారు. ఈ సందర్భంగా నూతనంగా ఎన్నికైన చైర్మన్ మైమూన్ మాట్లాడుతూ, పాఠశాల అభివృద్ధికి, విద్యార్థులకు మెరుగైన విద్యా సౌకర్యాలు కల్పించేందుకు తన వంతు కృషి చేస్తానని తెలిపారు. పాఠశాల అభివృద్ధిలో తల్లిదండ్రులు, ఉపాధ్యాయులు సమన్వయంతో పనిచేయాలని ఆయన కోరారు. ఈ అవకాశం కల్పించిన ఎమ్మెల్యే బీవీ. జయ నాగేశ్వర రెడ్డికి వారు ప్రత్యేక కృతజ్ఞతలు తెలిపారు. ఈ కార్యక్రమంలో మాజీ కౌన్సిలర్ దాదాసాహెబ్, ముస్తాక్ ఆహమ్మద్, పాఠశాల పద్యాలు విద్యార్థులు తల్లిదండ్రులు పాల్గొన్నారు.