ఎమ్మిగనూరు వ్యవసాయ మార్కెట్ యార్డులో రూ.35 లక్షల నిధులతో నిర్మించనున్న జంబో షెడ్ నిర్మాణానికి ఎమ్మెల్యే డాక్టర్ బి.వి. జయ నాగేశ్వర్ రెడ్డి శంకుస్థాపన చేశారు. ఈ సందర్భంగా ఆయన మాట్లాడుతూ, రైతుల సంక్షేమం, వ్యవసాయ మార్కెట్ యార్డు అభివృద్ధికి ప్రభుత్వం ప్రాధాన్యత ఇస్తోందని తెలిపారు.
ఎమ్మిగనూరు వ్యవసాయ మార్కెట్ యార్డులో రూ.35 లక్షల నిధులతో నిర్మించనున్న జంబో షెడ్ నిర్మాణానికి ఎమ్మెల్యే డాక్టర్ బి.వి. జయ నాగేశ్వర్ రెడ్డి, మార్కెట్ యార్డు చైర్మన్, కార్యదర్శి మరియు అధికారులతో కలిసి శంకుస్థాపన చేశారు.
ఈ సందర్భంగా ఎమ్మెల్యే డాక్టర్ బివి జయనాగేశ్వర్ రెడ్డి మాట్లాడుతూ, కూటమి ప్రభుత్వం రైతుల సంక్షేమంతో పాటు వ్యవసాయ మార్కెట్ యార్డు అభివృద్ధికి ప్రత్యేక ప్రాధాన్యత ఇస్తోందని తెలిపారు. మార్కెట్ యార్డులో త్వరలో రూ.1.5 కోట్లతో రైతు బజార్ ఏర్పాటు చేయడంతో పాటు, అసంపూర్తిగా ఉన్న మరో జంబో షెడ్ నిర్మాణాన్ని కూడా పూర్తి చేస్తామని చెప్పారు.
అలాగే, మార్కెట్ యార్డు భద్రత కోసం నిఘా కెమెరాల ఏర్పాటు, రైతుల పంటల నిల్వకు ఉపయోగపడేలా కోల్డ్ స్టోరేజ్/వేర్హౌస్ ఏర్పాటుకు ప్రతిపాదనలు సిద్ధం చేస్తామని తెలిపారు.
అర్హులైన ప్రతి రైతుకు కేంద్ర, రాష్ట్ర ప్రభుత్వ సంక్షేమ పథకాలు, వ్యవసాయ ప్రయోజనాలు అందేలా కృషి చేస్తామని ఎమ్మెల్యే పేర్కొన్నారు. మార్కెట్ యార్డు మౌలిక వసతులు మెరుగుపడటంతో రైతులకు, వ్యాపారులకు మరింత సౌకర్యవంతమైన వాతావరణం ఏర్పడుతుందని తెలిపారు.
